Президент Эрдоган бул жылкы окуу жылынын ачылуу аземине катышты
Эрдоган Стамбулдагы Султанахмет кесиптик жана техникалык Анадолу лицейинде 2021 – 2022 билим берүү жылынын ачылуу программасына катышты.
Президент Р. Т. Эрдоган : «Коронавирус эпидемиясы жараткан кыйынчылыктарга карабастан билим берүүнү өлкө масштабында үзгүлтүккө учуратпаган бир канча мамлекеттин бири болдук»,- деди.
Эрдоган Стамбулдагы Султанахмет кесиптик жана техникалык Анадолу лицейинде 2021 – 2022 билим берүү жылынын ачылуу программасына катышты.
Президент Эрдоган бул жерде сүйлөгөн сөзүндө : «2021 – 2022 билим берүү жылынын окуучуларыбызга, ата - энелерибизге, билим берүү жамаатына жана өлкөбүзгө пайдалуу болушун каалайбыз»,- деди.
Бетме - бет билим берүүнүн улантылышы үчүн вакцинациялоонун маанисине көңүлдөрдү бурган Эрдоган : «Вакцинациялоодо жалпы доза саны 100 миллионго карай баратат»,- деди.
Президент Эрдоган : «Билим берүү министрлигинде курган санариптик түзүлүш менен мектептерибиздеги процесстер, оорунун жүрүшүн жакындан иликтеп жатабыз. Бетме - бет билим берүүнү улантууда чечкиндүүбүз»,- деди.
Вакцинациялоо тууралуу чакыруу салган Эрдоган буларды айтты : «Кезеги келген бардык жарандарыбызды, эң башта да билим берүү жамаатыбызды, ата - энелерибизди вакциналарын алууга чакырам. Бир топ өлкөнүн массалык вакцинациялоодо олуттуу маселелер менен беттешкенинине көңүл бурганыбызда бул картина өлкөбүздүн маанилүү ийгилиги. Эпидемиянын жайылышына тоскоол болуу, эң башта окуучуларыбыз, мугалимдерибиз, ата - энелерибиз жана баарыбыздын көрүлгөн чараларга баш ийүүбүзгө байланыштуу».
Тектеш кабарлар
Эрдоган Парламенттер аралык Кудс платформасында сөз сүйлөдү
Палестина калкынын бүгүнкү күндө тарыхтын эң ырайымсыз зулумдарына дуушар болгонун айтты.