Чавушоглу: «Армян террордук уюмуна карабастан дипломат болдум»

Тышкы иштер министри Мевлүт Чавушоглу, армян террордук уюмуна карабастан дипломат болгонун айтты.

Чавушоглу Анталия Дипломатия форумунун (AДФ) алкагында уюштурулган AДФ жаштар форумунда жаштардын суроолоруна жооп берди.

Чавушоглу катуу жумуш темпине балалыгында 3 күнгө созулган бийик тоолуу көчүүдөн көнгөнүн айтып, «Мен орто мектепте жакшы футболчу элем. Мен орто мектепте окуп жүргөн кезимде армян террордук уюму биздин дипломаттарга кол салып, аларды шейит кылып жаткан. Мен алардын кол салууларына карабастан дипломат болом деп эл аралык мамилелерде окудум»,-деп айтты.

Спорт, жарандык коом жана искусство жаатында жигердүү иштегендердин кээде дипломаттарга караганда таасирдүү болгонун баса белгилеген Чавушоглу: «Мен спорттун таасирин парламентте жүргөндө көп көрдүм ./.../ Улуттун, өлкөнүн образы биз үчүн, дипломаттар үчүн абдан маанилүү, бирок башка тармактардагы ийгиликтер да абдан маанилүү. Ошондуктан биз спорттук дипломатияга кам көрөбүз»,-деди.

Чавушоглунун борбор шаар Анкарада Грециянын тышкы иштер министри Никос Дендиас менен өткөргөн маалымат жыйынына баскетболдогу чабуул оюну мисал катары көрсөтүлгөндө Мевлүт Чавушоглу төмөнкүлөрдү айтты: «Ошол маалымат жыйынга чейин ал мага келип (талаш-тартыштарды жаратуучу эч нерсе айтпайм, сизден дагы ушуну күтөм) дегенде, мен артка чегинүү же бир нерселерди маалымат жыйында айтаарымды белгилегем, мен аны тарткам. Бирок тилекке каршы ал маалымат жыйынында аябай агрессивдүү болду. Биз Афинага бардык, ал медиага эч нерсе айткан жок. Ал абдан позитивдүү болду. Албетте, мен эки жол менен даярдандым. Анда ал мен кайтып келгенден кийин күн сайын сүйлөшөт, бирок биз эч качан сүйлөбөйбүз. Эмне бар болсо баарын көзмө-көз сүйлөшөлү. Ал жерде оюндагысын айта албай калган окшойт, күн сайын Түркия жөнүндө билдирүү жасайт. Ал коргонуу да, чабуул да эмес».