Чавушоглу Аль Тани менен жолугушту

Тышкы иштер министри Мевлүт Чавушоглу Дохада Катардын Эмири Шейх Тамим бин Хамед Аль Тани менен жолугушту.

Мевлүт Чавушоглу Твиттердеги баракчасынан жарыялаган билдирүүсүндө, Катардын Эмири Аль Тани менен жолугушканын жана Катардын Сириядагы жаңжалды жөнгө салуу аракеттериндеги ролун кубаттагандарын билдирди.

«Афганистанга тынчтыкты алып келүүчү жолдо дагы биз Катар менен чогуу иштешебиз» деген Чавушоглу, күчтүү кызматташтыктын аймактык тынчтыкка да кызмат кылганына көңүл бурду.

Тышкы иштер министри Чавушоглу, Түркия-Орусия-Катар үч тараптуу жыйын үчүн Катарга барган.