Пекжан: «2020-жылды экспортубузда тарыхый рекорд менен жаптык»

Соода министри Рухсар Пекжан 2020-жылды экспортто тарыхый рекорд менен жапкандыктарын билдирди.

Пекжан "2020-жылдагы тышкы соодага баа берүү жыйында" жасаган билдирүүсүндө: «2020-жылды экспортубузда тарыхый рекорд менен жаптык»,- деди.

Пекжан, декабрь айында экспорттун көлөмү 2019-жылдын тийиштүү айына салыштырмалуу 16 пайыздык өсүү менен 17 миллиард 844 миллион долларды түзгөнүн жана бул эң жогорку айлык экспорт көрсөткүчү болгонун белгиледи.

«Биз 2020-жылды 169,5 миллиард долларлык экспорт менен жаптык. Бул экспортчуларыбыздын жана Түркиянын ийгилиги болуп саналат» деген министр Пекжан 2020-жылдын акыркы чейрегине карата 51,2 миллиард долларлык экспорт менен эң жогорку чейректик экспорттун рекорду жаңыланганын билдирди.

Экспорттун импортко болгон катышынын 2020-жылы 77,3 пайыз болгонун белгилеген Пекжан, алтындан тышкары да 85,8 пайызды түзгөнүн айтты.