Түркия-Украина биргелешкен декларация жарыяланды

Тышкы иштер министри Мевлүт Чавушоглу, улуттук коргоо министри Хулуси Акар, Украинанын тышкы иштер министри Дмитро Кулеба жана Украинанын коргоо министри Андрий Тарандын катышуусунда кечээ Киевде "2 + 2" форматындагы жыйындан кийин биргелешкен декларация жарыяланды.

Билдирүүдө тараптардын буга чейин жетишилген келишимдерди ишке ашыруу жана саясий, маданий, экономикалык, коргонуу тармактары менен бирге кызматташтык чөйрөлөрүн кеңейтүү аркылуу стратегиялык өнөктөштүк мамилелерди өнүктүрүүнү жана чыңдоону улантууга биргелешкен ниети бар экендиги ырасталды.

Тараптар эл аралык мыйзам, мамлекеттердин аймактык бүтүндүгү жана эл аралык деңгээлде кабыл алынган чек аралардын ичиндеги эгемендигин урматтоонун негизинде бекемделиши керек болгон Кара деңиздин стабилдүүлүгүнө жана коопсуздугуна коркунучтардын бар экендигине жана алардын кесепеттерине көңүл бурушкан декларацияда төмөнкү сөздөр жазылды:

"(Тараптар) эки мамлекеттин аскер-деңиз күчтөрүнүн ортосундагы билим берүү жана окутуу кызматташтыгынын жаңы жолдорун издөөгө, Кара деңизде коопсуздукту колдогон көп улуттуу машыгууларды жана иш-аракеттерди жүргүзүүгө чечим чыгарышты. Ошондой эле эки тараптуу түрдө жана аймактагы берки кызыкдар өлкөлөр менен кеңешүүлөрүн улантууга макул болушту. Түркия Республикасы, реформа процесси, Европа Биримдиги (ЕБ) жана НАТО менен бирге Европа жана трансатлантикалык структуралар менен интеграция процессинде Украинаны колдой тургандыгын кайталашты. Крым Автономиялуу Республикасы жана Севастополь шаары менен катар эл аралык деңгээлде таанылган чек аралардын ичиндегиУкраинанын эгемендигине жана аймактык бүтүндүгүнө Түркиянын колдоосу баса белгиленди»,-делди.