Чавушоглу Эфиопиядагы түрк жарандарына байланыштуу билдирүү жасады

Тышкы иштер министри Мевлүт Чавушоглу, Эфиопиянын Тиграй аймагындагы жаңжалдын ортосунда калган түрк жарандарынын ыкчам аракеттердин негизинде баш калаа Аддис-Абебага жеткирилгенин билдирди.

Чавушоглу, Твиттердеги баракчасынан «Аянтта жана үстөлдө күчтүү Түркия» деп бөлүшкөн билдирүүсүндө Эфиопиянын Тиграй аймагындагы кагылышуулардын ортосунда калган түрк жарандарына байланыштуу: «Тез арада аларды Түркиядагы үй-бүлөлөрү менен жолугуштурабыз»,-деди.

Министр Чавушоглу, жаңжалдын ортосунда калган түрк жарандары менен телефон аркылуу сүйлөшүп, Түркиянын дайыма алардын жанында болоорун белгиледи.

Тиграй аймагын башкарган козголоңчу Тиграй Элдик боштондук фронтунун (TPLF) күчтөрү 3-ноябрда улуттук армиянын бөлүктөрүнө кол салышкан жана Эфиопиянын премьер-министри Абий Ахмед 4-ноябрда Тиграй Элдик боштондук фронтуна каршы аскердик операция жүргүзүүнү чечишкенин жарыялаган эле.