Измирдеги жер титирөөдө уранды астында калгандарды издөө улантылууда

Измирдеги жер титирөөдөн каза болгондордун саны 51ге жетти.

Саламаттыкты сактоо Кырсыктарды Координациялоо Борборунан (САКОМ) алынган маалыматка ылайык, жер титирөөдөн 51 жаран каза болду, алардын бири ташкындаган сууга чөккөн.

Жер титирөөдөн жаракат алган 896 адамдын 667си ооруканадан чыгарылса, 229 адам дарыланууну улантууда.

Бир тараптан, жер титирөөдөн эң көп жабыркаган Байраклы районундагы 8 имаратта издөө-куткаруу иштери улантылууда.

Президент Режеп Тайип Эрдоган кечээ Измирде көп кабаттуу үй кулаган урандылардын аймагын карап чыкты.

Кырсык жана чукул кырдаалды башкаруу боюнча төрагалык (AFAD), мурунку күнү (30-октябрь), Эгей деңизинде Түркия убактысы боюнча саат 14: 51де Измирдин Сеферихисар районуна 17 чакырымдан кыска аралыкта  6,6 баллдык жер титирөө болгонун жарыялады.

Жер титирөө 16,54 чакырым тереңдикте болгондугу аныкталды.