Алтун армян кол салуусун айыптап, дүйнөдөгү өлкөлөрдү Азербайжан менен тилектештикке чакырды

Президенттиктин коммуникация башчысы Фахреттин Алтун, Түркиянын Азербайжандагы бир туугандары менен ар дайым ийиндеш боло турганын айтты.

Алтун өзүнүн Твиттер аккаунтунан жасаган билдирүүсүндө, Армения агрессия жасоодон мурун муну эске алышы керектигине көңүл буруп, согуш жана туруксуздук аймакка пайда алып келбесин баса белгиледи.

Эл аралык коомчулук Армениянын баскынчылыгына карата дагы бир жолу үч маймыл ойногонун белгилеген Алтун: «Алар армян тарапка ондогон жылдар бою эч нерсе жасабай, жада калса мыйзамсыз басып алууга шериктеш болуу менен дем-күч берип келишкен. Учурдагы жаңжал кырдаал туруктуу болбой калганынын далили. Армения Азербайжандын аймагында оккупациялык абалда. Алар Тоолуу Карабакты ондогон жылдардан бери басып алып гана тим болушкан эмес, ошондой эле Азербайжанга каршы тынымсыз провокацияларды кылып келишти. Бүгүнкү күндөгү алардын кол салуусу, дагы бир жолу кооптуу кырдаалды түзүп жатат. Армениянын агрессиясын эң күчтүү түрдө айыптайбыз, дүйнөнүн бардык акылга сыярлык өлкөлөрүн, бул басып алууга жана кол салууларга каршы Азербайжан менен тилектештикке чакырабыз. Түркия жана Азербайжан, эки мамлекет - бир эл. Биз керектүү нерсени жасайбыз»,-деди.