Аясофияда 24-июлга карата даярдыктар бүтөйүн деп калды

Аясофия мечити 86 жылдан кийин 24-июлда Куран окуу менен ибадатка ачылат.

Акыркы даярдыктар уланып жаткан мечитке, пандемиялык чара көрүүлөрдүн алкагында чектелүү сандагы адамдар кабыл алынат.

24-июлда ибадатка ачыла турган Аясофия мечитинин айланасында коопсуздук чаралары башталды. Аясофиянын маңдайы темир тосмолор менен тосулуп, Султанахмет аянтына кирген бардык жолдор жабылды.

Полиция кызматы тарабынан издөө-чалгындоо пункттары орнотулууда. Аянтта 17 миң полиция кызматкери иштейт. Ошондой эле ал жерге медициналык пункттар түзүлөт.

Мозаикалар жана көрүнүштөр кинотеатрдын экранына окшош парустуу парда системасы менен жабылат.

Аясофиянын ичиндеги көрүнүштөр сыртка орнотулган ири экранга чагылдырылат.

"Аясофия" аянты, "Султанахмет" аянты жана "Мехмет Акиф Эрсой" паркында 500 кишиден турган топтордо намаз окууга уруксат берилет.