"АКШдан санкция чечими чыга турган болсо Инжирлик жана Күрежик күн тартибине келиши мүмкүн"

Тышкы иштер министри Мевлүт Чавушоглу АКШда  Түркияга каршы санкция чечими чыга турган болсо АКШ да колдонгон Аданадагы Инжирлик аба базасынын жана Малатиядагы  Күрежик радар базасынын күн тартибине келиши мүмкүн экендигин айтты.

Менчик телекөрсөтүү каналында маалыматтарды берген Чавушоглу Орусиядан алынган С  - 400 абадан коргонуу системасы менен Ф  - 35 аскердик учактарынын арасында мыйзам жана саясат жактан да байланыштын жок экендигин белгиледи.

«АКШ бардык сунуштарыбызга  жок деп жатат. Муну менен бир жерге бара албай тургандыгын билиши керек»,- деген Чавушоглу : «АКШ оң мамиле кыла турган болсо биз да оң мамиле кылабыз. С  - 400 кол салуучу система эмес, коргонуу системасы. Ф  - 35 ала албасак альтернативдерди карашыбыз керек»,- деди.

Чавушоглу АКШдан Түркияга каршы санкция чечими чыга турган болсо Инжирлик жана Күрежиктин да күн тартибине келиши мүмкүн экендигин айтты.

АКШнын Сириянын кээ бир аймактарын басып алган ЙПГ/ПКК террордук уюм менен байланышын улантып жаткандыгын баса белгилеген Чавушоглу : «АКШнын ЙПГ/ПККга берген бардык жардам кылмыш, эл аралык терроризмдин каржылоочусу болот»,- деди. Кээ бир НАТО өлкөлөрүнүн ЙПГнин террор коркунучу катары аныктоо тууралуу тартынууларына токтолгон Чавушоглу : «Түркиянын коопсуздугу менен Балтика коопсуздугу бирдей. Балтиканын жана биздин планыбыз жарыяланууну күтүп жатат. Биздики жарыяланбастан башкасы да жарыяланбайт. Бул жерде жол берүү жок, кичинекей жест бар. Эки план бирдей убакта жарыяланат. НАТОнун  Түркияны коргоо милдети бар»,- деди.

Түркия менен Ливиянын арасында Жер Ортолук деңизде  карамагындагы аянтты чектөөгө байланыштуу меморандумга токтолгон Чавушоглу : «Бул меморандум мыйзамга ылайык. Греция же Европа Биримдигинин бул тууралуу эл аралык мыйзамды жана адилеттик кеңешин кызыктырган темаларда сот сыяктуу чечим чыгарышы туура эмес»,- деди.

Ливия менен сейсмологиялык жана бургулоо ишин аткара алышарын да айткан Чавушоглу : «Биздин континенттик шельфте  эч ким уруксатсыз иш кыла албайт. Уруксатсыз кире турган болсо да бөгөттөйбүз»,- деди.

Ливияга аскер жиберүүгө да токтолгон Чавушоглу : «Ливияда БУУ тааныган башкаруу бар. Ошондуктан БУУ да тааныган жана эл аралык жыйындарга да чакырылган Файиз ес Серраж өкмөтү мыйзамдуу жана Түркия мыйзамдуу башкаруу менен байланышын улантууда. Эгерде Ливиядан мындай талап келе турган болсо карап чыгабыз»,- деди.

Чавушоглу Кипр рум бөлүгүнүн Чыгыш Жер Ортолук деңиздеги гидрокарбон издөө иштери тууралуу Түндүк Кипр Түрк Республикасы менен келишим түзө турган болсо Грециянын да Түркия менен кызматташуу ичинде болушу керектигин айтты.