Япониядан Чавушоглуна жогорку даражадагы сыйлык ыйгарылды

Тышкы иштер министри Мевлүт Чавушоглу, Япониянын императору Нарухито тарабынан жогорку даражадагы «Улуу тасмадагы Күн Чыгыш ордени» менен сыйланды.

Дипломатиялык маалыматтардын билдиришинче тышкы иштер министри Чавушоглу, Япониянын императору Нарухито тарабынан Түркия жана Япониянын ортосундагы эки тараптуу карым-катнаштардын күчтөндүрүлүшү жана достуктун өнүктүрүлүшү багытында көрсөтүлгөн аракеттерден улам «Улуу тасмадагы Күн Чыгыш орденине» ылайык көрүлдү.

Дипломатиялык булактар Япониянын эң жогорку мамлекеттик сыйлыгы болгон «Улуу тасмадагы Күн Чыгыш орденинин» алдыдагы күндөрдө министр Чавушоглуна тапшырыла турганын билдирди.

Түркия-Япония Парламенттер аралык достук тобу башчылык кылган мезгилде жана министрлик кызматында Япон саясий чөйрөлөрү менен жакын кызматташтык курган министр Чавушоглу, япон маданиятына болгон жакын кызыгуу менен катар япон тилинде да сүйлөйт.

«Улуу тасмадагы Күн Чыгыш ордени» мындан мурда 1958-жылы маркум премьер-министр Аднан Мендереске, маркум тышкы иштер министри Фатин Рүштү Зорлу жана БУУ өнүгүү программасынын башчылыгы милдетин аткарышынан кийин 2009-жылы Кемал Дервишке да берилген.