Нетаньяхунун тынчын алган операциялар

Түркиянын жикчил террордук уюм ПККга карай операциялары аркылуу президент Режеп Таййип Эрдоганды сынга алган Израилдин премьер-министри Беньямин Нетаньяхуга Анкарадан катуу каршылык көрсөтүлдү.

Президенттиктин басма сөз катчысы Ибрахим Калын, Твиттер аркылуу бөлүшкөн жарыясында Израилдин премьер-министри Нетаньяхунун президент Эрдогандын чындыктарды бийик үн менен жар салуусунан кайрадан тынчсызданганына басым жасады.

Калын: «Өлкөсүндө териштирөөлөр менен башы балээде болгон Нетаньяху көңүлдөрдү башка жакка бурууга аракет кылууда, бирок ишке жарабайт. Израилдин баскынчы жана залим саясаттарын эч качан жаап жашыра албайт, Президентибиздин токтото албайт»,-деди.

Адилеттик жана өнүгүү партиясынын басма сөз катчысы Өмер Челик да Твиттерден берген маалыматында, «Түрк армиясы жана коопсуздук күчтөрүнүн ПКК буталарына карай жүргүзгөн операцияларынын Нетаньяхунун тынчын алышы маанилүү»,-деди.

Нетаньяхунун президент Эрдогандын адамзаттын атынан, эзилген калктардын атынан билдирүүлөрдү жарыялап эскертүүсүнөн абдан тынчсызданганын, тынчсыздануусун да уланта турганын белгилеген Челик: «Израилде жүргүзүлүп жаткан териштирүүлөрдө жемкорлук менен айыпталган Беньямин Нетаньяху, эл аралык коомдук пикирди манипуляция кылууга аракет кылууда. Беньямин Нетаньяху Президентибизге жана армиябызга тийишип чындыктарды жаап жашыра турганын ойлоп жатат»,-деп жазды.