Анкарада болгон поезд кырсыгында каза болгондор үчүн көңүл айтуулар

Тышкы иштер министри Мевлют Чавушоглу Анкара  - Кония каттамына чыккан жогорку ылдамдыктагы поезддин жол текшерүү локоматив менен кагылышуусу менен чыккан кырсыкта каза болгондор үчүн көңүл айтты.

Министр Чавушоглу твиттерден төмөнкүчө билдирди : «Анкарада болгон поезд кырсыгында каза болгон жарандарыбыз үчүн жакындарына жана элибизге көңүл айтам жана жаралууларыбыздын бат айыгып кетишин каалайм»,- деди.

Адилеттик министри Абдулхамит Гүл Анкара  - Кония каттамына чыккан жогорку ылдамдыктагы поезддин жол текшерүү поезди менен кагылышуусунда чыккан кырсыкта каза болгондор үчүн көңүл айтты.

Гүл твиттерден берген маалыматында : «Анкарада болгон поезд кырсыгында каза болгон жарандарыбыздын үй  - бүлөлөрүнө жана жакындарына көңүл  айтам, жаралууларыбыздын бат айыгып кетишин каалаймын»,- деди.

Бир тараптан маданият жана туризм министри Мехмет Нури Эрсой да кырсыкта каза болгондор үчүн көңүл айтты. Министр Эрсой твиттердеги көңүл айтуусунда : «Анкарада болгон поезд кырсыгында каза болгон жарандарыбыздын үй  - бүлөлөрүнө көңүл айтып жаралуулардын бат айыгып кетишин каалаймын»,- деди.

Поезд кырсыгында каза болгондор үчүн борбор шаардагы дипломатиялык миссия шефтери да социалдык медиа эсептеринен көңүл айтуу жарыялашты.

АКШнын Аркадагы элчилигинин твиттер эсебинен берилген маалыматта : «Бүгүн Анкарада болгон поезд кырсыгында каза болгондордун үй  - бүлөлөрү менен жакындарына АКШнын атынан көңүл айтабыз. Бул чоң кайгыны бөлүшүп, жаралуулардын бат айыгып кетишин каалайбыз»,- деп билдирилди.

Британиянын Анкарадагы элчиси Доминик Чилкотт социалдык медиа эсебинен борбор шаарда болгон поезд кырсыгында каза болгондордун үй  - бүлөлөрүнө жана жакындарына көңүл айтып, жаралууларга шыпаа тиледи.

Европа Биримдигинин Түркия делегациясынын төрагасы Кристиан Бергер да поезд кырсыгынан улам санааркагандыгын билдирип : «Европа Биримдигинин Түркия  делгациясы катары кырсыкта каза болгондордун үй  - бүлөлөрүнө жана Түркияга чын көңүлдөн көңүл айтып, жаралуулардын айып кетишин каалайбыз»,- деди.

Пакистандын Анкарадагы элчилигинин социалдык медиа эсебинен берилген бөлүшүүдө да поезд кырсыгында каза болгондор үчүн көңүл айтылды.