Түркия Афганстандагы кол салууну айыптады

Түркия Афганстандын борбор шаары Кабулда кечээ болгон террордук кол салууну айыптап, афган калкына көңүл айтты.

Тышкы иштер министрлигинен берилген маалыматта : «Кечээ Кабулда Газне жана Урузган аймактарындагы коопсуздукка каршы уюштурулган митингде жасалган бомбалуу кол салууда көп сандаган кишинин каза болушу жана жараландардын болушу санааркатты»,- деп билдирилди.

Маалыматта : «Болгон террордук кол салууну айыптап, кол салууда каза болгондор үчүн дос афган өкмөтүнө жана боордош афган калкына көңүл айтып, жаралангандардын бат айыгып кетишин каалайбыз»,- деп айтылды.

Кабулда митингге чыккандардын арасында жасалган жан кечтилик кол салууда 6 киши каза таап, 10 киши жараланган.