Түркия дүйнөнүн эч бир жеринде согушту каалабайт

Президенттиктин басма сөз катчысы Ибрагим Калын, Түркиянын дүйнөнүн эч бир жеринде согушту каалабай турганын айтты.

 Ибрагим Калын жеке менчик радио каналында жарыяланган “Сүйлөгөн Түркия” программасында күн тартибине байланыштуу маалыматтарды берди.

Америка Кошмо Штаттары (АКШ) жана Түндүк Корея ортосундагы чыңалуу боюнча Калын: “ Биз дүйнөнүн эч бир жеринде согуш каалабайбыз. Бул маадесе жөнөкөй куралдар менен болсун, маадесе ядролук куралдануу түрүндө болсун, аймактык болсун, глобалдык болсун дүйнөнүн эч бир жеринде согуш адамзаттын тынчтыгына, бейпилдигине салым кошоруна ишенбейбиз, ” – деген серебин салды.

Калын ядролук куралданууга каршы  ар кимдин глобалдык жүрүм-турумга ээ болуусу керек экенин белгилеп, “ Бул жерде да чынчыл болуу керек. Ядролук куралдардын ээси болгон өлкөлөр бул “Ядролук куралдардын жайылуусуна бөгөт коюу” келишиминин айланасындагы коюлган милдеттерин  негизи жетиштүү түрдө жасабай жатышат ,”–деп айтты.

Дүйнөнүн эң ири курал өндүрүүчүсү болуп эсептелген 5 өлкөнүн куралсыздандыруу боюнча чакырыктарды жасоолорунун канчалык деңгээлде чындык экени тууралуу берилген суроого Ибрагим Калын: “Дүйнөнүн кайсы жеринде согуш коркунучу күчөсө ал жерде буга көңүл буруу керек; бул жерден ким, эмне пайда табууда. Өкүнүчтүүсү курал чыгарган мекемелер ар дайым мындай жерлерден киреше табып чыгышат.”- деп жооп берди.

Ибрагим Калын Ирактын Күрт Аймактык башкаруучулугундагы референдум талкуулары боюнча да: “Биздин бул референдумга каршы чыгуубуздун башкы себеби, Ирактын жер жана саясий бүтүндүгүнүн коргоого алынуусу. Бул жерде Ирактын күрттөрүнө, Сирия күрттөрүнө же аймактагы башка күрттөргө каршы кандайдыр бир тескери мамилебиз жок,”- деди.    

Террорчулукка каршы террористтер түшүнгөн тилден эң катуу күрөш жүргүзүлгөнүн, жүргүзүү да улантыларын айткан Калын:

“ Бул маселеде Ички-иштер министрлигибиз, коопсуздук комитетибиз, жандармериябыз, куралдуу күчтөрүбүз толук ылайыкташып, чечкиндүүлүк менен күрөштү улантуудабыз”,- деп айтты.

Калын, Фетуллахчы террор уюму/параллелдик мамлекеттик түзүлүшүнүн (ФЕТӨ/PDY) 15-июлдагы төңкөрүш аракеттери доосу боюнча да,

“Түркияда мыйзамдын үстөмдүгү боюнча кыйынчылыктар бар дегендерге келип ушу сотторду көрүүлөрүн сунуштайбыз. Баланча сотко дароо чуркап жеткен европалык уюмдардын, басылмалардын канчоосу 15-Июль доолорун көрүүгө барды, барып жатышат? Келишсин эшиктер ачык. Топ-топ болуп келишсин, эч кандай каршылык жок. Биз ыраазы болобуз”,- деп кесе айтты.