Түркия - Түндүк Кипр Түрк Республикасынын ортосунда электр келишими

Түркиядан Түндүк Кипр Түрк Республикасына деңиз түбүнөн өткөн кабелдер менен электр өткөрүүнү пландаган келишимге эртең Стамбулда кол коюлат.

Келишимге Дүйнөлүк энергия конгрессинде энергия министри Берат Албайрак жана Түндүк Кипр Түрк Республикасынын энергия министри Сунат Атун тарабынан кол коюлат. Эки өлкөнүн ортосунда курула турган деңиз түбүнөн электр өткөрүү линиясынын проекти кыска убакытта башталат. Система ишке киргенде Түндүк Кипр Түрк Республикасы, Чыгыш Жер Ортолук деңизи жана Европадагы электр өткөрүү системасына кошулат.