Лавров ноябрь же декабрь айларында сапар менен Түркияга келиши мүмкүн
Карлов түрк – орус карым – катнаштарын дагы да алдыга жылдыруу үчүн баарын иштөөгө чакырды
Орусиянын Анкара элчиси Андрей Карлов Орусиянын тышкы иштер министри Сергей Лавровдун жылдын акырына чейин Түркияга келерин белгиледи. Карлов Түркия – Орусия карым – катнаштарындагы жаңы мезгилге баа берди. Карлов түрк – орус карым – катнаштарын дагы да алдыга жылдыруу үчүн баарын иштөөгө чакырды.
Элчи Карлов : «Урматтуу Лавровдун Түркия сапарынын жылдын акырына чейин ишке ашышына ишенем. Азыркы учурда болжол менен айтып атам ноябрь же декабрь айында болушу мүмкүн. Сапардын программасынын алкагында бир гана сүйлөшүүлөр болот»,- деди. Фетуллахчы террордук уюмдун козголоң кыймылына да токтолгон Карлов : «Терроризмдин бардык түрүнө каршы Түркия менен кызматташтыкка даярбыз»,- деп айтты. Карлов Түркия менен Орусиянын ортосундагы чартердик каттамдарга качан уруксаттын берилерине байланытуу суроого : «Чартердик каттамдарды кайрадан баштатпастан туризм тармагында кызматташтыкты мурунку деңгээлге жеткирүү мүмкүн эмес. 2014 - жылы туризм тармагында рекордго жетиштик. Орусиядан Түркияга 4 жарым миллион турист келген. Карым – катнаштарыбыздын калыбына келүү процессинен кийин Орусияда Түркияга тур сатуулар боюнча эч кандай тыюу салуу жок»,- деп жооп берди.
