Мевлүт Чавушоглу Бразилияга барат

Тышкы иштер министри Мевлүт Чавушоглу Дилма Руссеффтин президенттик ант берүү аземине катышуу үчүн Бразилияга барат.
Тышкы иштер министрлиги тарабынан жарыяланган жазуу түрүндөгү маалыматта тышкы иштер министри Мевлүт Чавушоглунун Бразилияда экинчи жолу президент болуп шайланган Дилма Руссеффтин 2015- жылы 1 - январда боло турган ант берүү аземине чакырылуусу менен 2014 - жылдын 31 - декабрь, 2015 - жылдын 3 - январь күндөрүнүн арасында Бразилияга барары белгиленди. Сапарда Чавушоглунун Бразиялынын тышкы иштер министри Луиз Альберто Фигейредо менен да эки тараптуу жолугушууларды өткөрөрү күтүлүүдө.