Хакан Фидан Кыргызстанга барды
Түркия Республикасынын Тышкы иштер министри Хакан Фидан Кыргыз Республикасынын Тышкы иштер министри Жээнбек Кулубаевдин чакыруусу боюнча расмий сапар менен Кыргызстанга барды.
Түркия Республикасынын Тышкы иштер министри Хакан Фидан Кыргыз Республикасынын Тышкы иштер министри Жээнбек Кулубаевдин чакыруусу боюнча расмий сапар менен Кыргызстанга барды.
Фиданды «Манас» эл аралык аэропортунан Кыргыз Республикасынын Тышкы иштер министринин орун басары Айбек Молдогазиев, Кыргыз Республикасынын Түркия Республикасындагы Атайын жана ыйгарымдуу элчиси Руслан Казакбаев, Түркия Республикасынын Кыргыз Республикасындагы Атайын жана ыйгарымдуу элчиси Ахмет Садык Доган тосуп алышты.
Сапардын алкагында ал Кыргыз Республикасынын Тышкы иштер министри Жээнбек Кулубаев, ошондой эле өлкө жетекчилиги менен сүйлөшүүлөрдү жүргүзөт.
Тышкы иштер министрлигинин жазуу түрүндөгү билдирүүсүндө: «Урматтуу министрибиз 2024-жылдын 9-январында Кыргыз Республикасынын Тышкы иштер министри Жээнбек Кулубаев мырзанын чакыруусу боюнча Кыргыз Республикасына иш сапары менен барат. Жолугушууларда эки тараптуу мамилелерибиздин бардык аспектилерин талкуулоо, ошондой эле учурдагы аймактык маселелер жана эл аралык темаларда пикир алмашылышы көздөлүүдө», - деп айтылды.
