Казакстанда мөөнөтүнөн мурда президенттик шайлоо өтүп жатат

Казакстанда учурдагы президент Касым Жомарт Токаев баш болгон 6 талапкер ат салышкан мөөнөтүнөн мурда президенттик шайлоодо добуш берүү башталды.

Казакстан эли бүгүн өлкөнү алдыдагы 7 жылда башкара турган президентин шайлоо үчүн шайлоого барат.

Өлкө боюнча курулган 10 миңден ашуун үкөктө добуш берүү жергиликтүү убакыт боюнча саат 07:00дө башталды.

Калкы 19 миллиондон ашкан Казакстанда бүгүн сөз болуп жаткан шайлоого 11 миллион 950 миң 485 катталган шайлоочунун добуш бериши күтүлүүдө.

Ушул эле күнү өлкөнүн чет өлкөлөрдөгү өкүлчүлүктөрүндө шайлоо үкөктөрү ачылды.

Добуш берүү саат 20:00дө аяктайт.

Алгачкы жыйынтыктар эң кеч эртең жарыялана турган шайлоодо, акыркы жыйынтыктар 27-ноябрга чейин чыгарылат.