Эртугрулогулу ИКУга мүчө өлкөлөрдү ТКТРны расмий түрдө таанууга чакырды

Түндүк Кипр Түрк Республикасынын тышкы иштер министри Тахсин Эртугрулоглу, Ислам Кызматташтык Уюмуна (ИКУ) мүчө мамлекеттерди Түндүк Кипр Түрк Республикасын (ТКТР) расмий түрдө таанууга чакырды.

Министрликтин жазуу түрүндөгү билдирүүсүнө караганда, Тахсин Эртугрулоглу, быйыл Америка Кошмо Штаттарынын Нью-Йорк шаарында өткөрүлгөн Бириккен Улуттар Уюмунун (БУУ) 77-Башкы Ассамблеясынын иш-чараларынын алкагында өткөрүлгөн ИКУнун тышкы иштер министрлеринин жылдык координациялык жыйынында сөз сүйлөдү.

Кипрде федерацияга таянган сүйлөшүүлөрдө 50 жылдан ашуун убакыттын жоголгондугун эске салган Эртугрулоглу, июлда Кранс-Монтанадагы Кипр конференциясы кыйрагандан кийин Кипр түрк тарабынын Кипрде башка варианттарды изилдөөгө убакыт келгенин жарыялаганын билдирип,  ИКУга мүчө мамлекеттерди Түндүк Кипр Түрк Республикасын таанууга чакырды.

Эртугрулоглу төмөнкү сөздөрдү колдонду: «Кипрдин түрк эли Түндүк Кипр Түрк Республикасынын расмий таанылышын жана өз укуктарынын, тактап айтканда, Кипр Түрк мамлекетинин эгемендик тең укуктуулугун жана тең эл аралык статусун ырастоону талап кылат» деди.

Министр Эртугрулоглу, ИКУга мүчө өлкөлөрдүн Түндүк Кипр Түрк Республикасын расмий түрдө таануу жана Рум тарабы киргизген адамгерчиликсиз чектөөлөр жана эмбарголорду жоюуга жардам берүү үчүн Кипр Түрк мамлекети менен тез арада конкреттүү кадамдарды таштоосун күткөндөрүн айтты.

Эртугрулоглу ошондой эле Түркиянын Кипр түрк калкына жашоонун бардык тармагында көрсөткөн колдоосу үчүн ыраазычылык билдирди.