Азербайжандын «Гайдар Алиев» борборуна Түркиянын желеги чагылдырылды

Азербайжандын борбор шаары Бакунун жаңы архитектуралык символдорунан болгон «Гайдар Алиев» атындагы борбордун тышкы бетине Түркиянын желеги чагылдырылды.

Түркиянын жаңы типтеги коронавирус (Ковид-19) менен күрөшүүсүнө Азербайжандын көрсөткөн колдоосун белгилөө үчүн Азербайжандын желегинин жанында Түркиянын желеги чагылдырылган борбордо, Түрк музыкалары жаңырды.

Түркиянын Бакудагы элчиси Эркан Өзорал: «Бүгүн Түрк жана Азербайжан желектери «Гайдар Алиев» атындагы борбордун тышкы бетинде чагылдырылууда. Эки боордош желектин чогуу желбиреши бизди сыймыктандырды. Түркия менен Азербайжандын бири-бири менен жакындыгын, колдошуусун жана туугундагын көрсөткөн абдан сонун демилгеге күбө болдук»,-деди.

Түркиянын тышкы иштер министри Мевлүт Чавушоглу дагы бул көрүнүштү социалдык медиа барагынан бөлүшүп жатканда; «Бакунун символдорунан бири «Гайдар Алиев» борборунда Ковид-19 менен биргелешип күрөшүүнүн алкагында Түркиянын желеги Азербайжандын желеги менен бирге желбиреп жатат. Түрк улуту бир жүрөк! Түркия желеги, Азербайжан желеги. Биз бирге жеңебиз»,-деп айтты.