Волейбол боюнча кыз-келиндер арасындагы дүйнө чемпионаты...

Кыз-келиндер арасында волейбол боюнча дүйнөнүн эң мыкты өлкөлөрүн чогулта турган Эл аралык волейбол федерациясынын (FIVB) дүйнөлүк чемпионаты эртең Нидерландия жана Польшанын кожоюндугунда башталат.

Быйыл 19-ирет өтө турган жана 15-октябрга чейин улана турган волейбол боюнча кыз-келиндер арасындагы дүйнөлүк чемпионатка 24 мамлекет катышат.

Иш-чарада Польшанын Лодзь, Гливице жана Гданьск менен Нидерландиянын Роттердам, Арнхайм жана Апелдорн шаарлары беттештерге кожоюндук кылышат.

Түркиянын курама командасы «В» тайпасында күч сынайт.

Польша, Хорватия, Таиланд, Түштүк Корея жана Доминикан Республикасы менен бир тайпадагы улуттук курама, мелдештердин биринчи беттешинде 24-сентябрда Таиланд менен ойнойт.

Дүйнө чемпиондугунда тайпалар:

А тайпасы: Нидерландия, Италия, Бельгия, Пуэрто-Рико, Камерун, Кения

В тайпасы: Түркия, Польша, Доминикан Республикасы, Түштүк Корея, Таиланд, Хорватия

С тайпасы: АКШ, Сербия, Германия, Болгария, Канада, Казакстан

D тайпасы: Бразилия, Кытай, Япония, Колумбия, Аргентина, Чехия