Атлетика - Али Кая Diamond League Римде жарышат

2015 Diamond League календарында Түркиядан биринчи болуп катышкан атлет Али Кая болот, Кая 4 - июнда Римде легендарлуу спринтер Пьетро Менна үчүн өткөрүлө турган жана Diamond Leagueнин төртүнчү бөлүгүн түзө турган Golden Gala атлетика жарыштарына катышат.
Бул жылы оболу 10 миң метр Түркия рекордун тарыхка көмгөн жана андан кийин да 3 миң метрде салон Европа чемпиону болуп Мо Фарахтын чемпиондук рекордуна жетишкен Али Кая Рим олимпиада стадионунда чуркала турган 5000 метрдик жарышта Паул Тануи Имане Мерга, Томас Лонгосива, Деян Гебремескел, Хагос Гебривет, Исиах Коеч сыяктуу узун аралыктын белгилүү африкалык ысымдары менен бирге жарышат.
Римде айрыкча 100 метр бөгөттүү аялдар жарышында австралиялык Салли Пирсон менен АКШлык атлеттер Брианна Роллинс менен Жасмин Стоверс жарышы, 800 метрде эфиопиялык Мохамед Аман менен ботсвандык Нижел Амос жарышы, аялдар бийиктикке аттоодо болсо хорват Бланка Власиж менен орус Анна Чичерова жарышы кызыгуу менен күтүлгөн жарыштардын арасында. Diamond Leagueнин Римдеги бөлүгү ТРТ Спорт каналынан түз эфирде берилет.