«1915 Чанаккале көпүрөсү» долбоору ENR тарабынан «Жылдын долбоору» деп тандалды

«1915 Чанаккале көпүрөсү» долбоору Америка Кошмо Штаттарында (АКШ) жайгашкан ENR тарабынан «Жылдын долбоору» деп тандалды.

Транспорт жана инфраструктура министри Абдулкадир Уралоглу, жазуу түрүндөгү билдирүүсүндө, «1915 Чанаккале көпүрөсү» долбоору АКШда жайгашкан машина куруу жана курулуш тармагынын эң кадыр-барктуу дүйнөлүк басылмалары деп эсептелген Engineering News Record (ENR) тарабынан «Жылдын долбоору» сыйлыгына татыктуу деп табылганын айтты..

«1915 Чанаккале көпүрөсү» долбоорунун Түркия Республикасынын 100 жылдыгын символдоштурган абдан маанилүү долбоор экенине көңүл бурган Уралоглу көпүрөнүн узундугу 3 миң 563 метр, өтмөк узундугу 4 миң 608 метр экенин айтты.

19-декабрдагы онлайн сыйлык тапшыруу аземинде «Жылдын долбоору» сыйлыктары ээлерине тапшырыла турганы тууралуу маалымат менен бөлүшкөн Уралоглу: «Долбоорубуз үчүн алынган сыйлыктар баарыбызды өлкө катары сыймыктандырат. Бул сыйлык менен, көпүрө бул жылы ENRден эки башка сыйлыкка ээ болду жана жалпысынан 24 улуттук жана  эл аралык абройлуу сыйлыкка ээ болду»,-деди.

«1915 Чанаккале көпүрөсү» 2021-жылы курулушу учурунда ENR журналында 10 беттик атайын бөлүмдө орун алган жана көпүрөнүн 318 метр бийиктиктен тартылган сүрөтү журналдын мукабасына чыгарылган.