Дүзжедеги байыркы шаарда арстандуу мозаика табылды

Дүзжедеги Prusias ad Hypium байыркы шаарында жүргүзүлгөн казууларда «Дионис культ жерин» чагылдырган арстандуу мозаика табылды.

Конуралп аймагындагы байыркы шаарда Маданий мурастар жана музейлер башкы директорлугунун уруксаты менен жүргүзүлгөн казууларда жаңы экспонаттар табылды.

Театрдын үстүндөгү аянтта иштеген казуу тобу портикко (үстү жабык, алдыда колонналары бар ачык галерея) туташтырылган түзүлүштө арстандуу мозаикага туш болушту.

Адистердин ою боюнча жаңы аныкталган мозаика бөлмөсү, кеч Рим дооруна таандык культ аянтын (коомчулуктун же топтун белгилүү баалуулуктарын, ишенимдерин, каада-салттарын, искусство жана башка маданий элементтерин камтыган жалпы жашоо образын билдирген аянт) чагылдырат.