Стамбул аэропортуна дагы бир сыйлык

Стамбул аэропорту үчүнчү жолу катары менен «Жылдын аэропорту» наамына ээ болду.

Дүйнөлүк авиация тармагынын эң маанилүү сыйлыктарынын бири болгон 'Air Transport Awards' сыйлыгы жарыяланды.

Түркиянын дүйнөгө ачылган эшиги болгон Стамбул аэропорту 2021 жана 2022-жылдан кийин быйыл да «Жылдын аэропорту» болуп тандалды.

Үчүнчү жолу сыйлыкка татыган Стамбул аэропорту катары менен «мыкты» деп тандалган биринчи аэропорт болду.

Өткөн жылдардагы сынактын жеңүүчүлөрүнүн арасында Сингапур Чанги, Дубай, Лиссабон (Португалия) жана Доха (Катар) аэропорттору бар.