YEE быйыл 1 миллион кишиге түрк тилин үйрөтүүнү максат кылууда
YEEнин төрагасы Атеш, Анадолу агенттигине берген баалоосунда, Ковид-19 таасирлеринин өткөн жылы бүт дүйнөдө азайа баштаганына жана өзгөчө 2022-жылдын экинчи жарымынан бери дүйнөнүн бардык тарабынан көптөгөн талаптарга туш болгонуна көңүлдөрдү бурду.
«Юнус Эмре» институтунун (YEE) төрагасы Шереф Атеш 2023-жылы Республиканын 100 жылдыгында дүйнөнүн төрт тарабында 1 миллион кишиге түрк тилин үйрөтүүнү максат кылгандарын айтты.
YEEнин төрагасы Атеш, Анадолу агенттигине берген баалоосунда, Ковид-19 таасирлеринин өткөн жылы бүт дүйнөдө азайа баштаганына жана өзгөчө 2022-жылдын экинчи жарымынан бери дүйнөнүн бардык тарабынан көптөгөн талаптарга туш болгонуна көңүлдөрдү бурду.
Атеш, Латын Америкасынан Ыраакы Чыгышка чейинки бардык аймактарда же расмий жолугушууларда, эки тараптуу жолугушууларда же Тышкы иштер министрлиги аркылуу YEE институттарын ачуу талабы кабыл алынганын айтты.
2022-жылдын экинчи жарымында бетме-бет иш-аракеттерди көбөйткөндөрүн баса белгилеген Атеш, түрк тилин алыстан да үйрөтүүнү уланткандарын жана бул мезгилде 250 миңден ашуун кишинин түрк тилин үйрөнгөнүн белгиледи.
Атеш кээ бир өлкөлөрдө мектептер менен макулдашып башталгыч, орто жана жогорку мектеп окуучулары үчүн «Менин тандоом түрк тили» долбоорун ишке ашырышкандарын белгилеп, бул долбоор менен түрк тилинин тандалма сабактар тизмесине кошулушун камсыз кылгандарын түшүндүрдү.
5 континентте 85 борбордо иш алып баргандарын белгилеген Атеш, Республиканын 100 жылдыгы болгон 2023-жылы маданий борборлордун санын 100гө жеткирүүнү максат кылгандарын айтты.
Ирактын борбор шаары Багдадда февраль айында иш-аракеттерин баштай тургандыктары тууралуу маалыматын бөлүшкөн Атеш: «Учурдагы максатыбыз 2023-жылы 1 миллион кишиге жетип, түрк тилин үйрөтүү. Санариптик медиада да, бетме-бет да. Бир тараптан көптөгөн өлкөлөрдө биз башкарган мектептерде «Менин тандоом түрк тили» долбоору менен 1 миллион кишиге жетип, түрк тилин түптөө жана100 маданий борбор ачуу»,-деп айтты.
