Африкалык элчилер Түркиянын туризмине суктанышты

Антальяда эс алуу жана объектилерди көрүү мүмкүнчүлүгүнө ээ болгон кээ бир Африка өлкөлөрүнүн элчилери түрк туризмине таң калышты.

Бир жума мурда туризм адисинин чакыруусу менен Антальяга келген Түштүк Африка, Гана, Алжир жана Камерун да болгон 31 өлкөнүн элчилери туризм объектилерин көрүү мүмкүнчүлүгүнө ээ болушту.

Деңиз, кум, күн жана люкс объектилери менен өзгөчөлөнгөн Белек туризм борборундагы жаңы салынган инвестиция, мейманкана жана виллаларды кыдырган элчилер, сунушталган туризм кызматына таң калышты. Аймакта үч күндүк программага катышкан элчилер Түркияга африкалык туристтердин дагы көп келүүсү үчүн мейманкана жетекчилери менен кызматташуу келишимдерин түзүштү.

Түштүк Судандын Анкара элчиси Мажок Гуандонг Түркиянын абдан кооз туризм өлкөсү жана элинин меймандос экенин белгилеп, Антальянын дүйнөнүн эң маанилүү туризм борборлорунун бири экенине көңүл бурду.

Сьерра-Леоненин Анкарадагы элчиси Мохамед Хасан Кайсамба: «Менин өлкөмдөгүлөрдүн баары Анталияга келип, бул керемет жерлерди көрүшүн жана жакшы даамдардын даамын татып көрүшүн каалайм. Биз мунун үстүндө иштеп жатабыз»,-деди.

Түштүк Африка Республикасынын элчиси Дипуо Летсатси-Дуба Антальянын туризмдеги сапаты жана күчү менен суктанганын баса белгиледи.

«Бул жерлерди көргөндөн кийин менин милдетим Анталияны элиме түшүндүрүү жана аларды бул кооздуктарды көрүүгө үндөө»,- деди ал.

Уганданын Анкара элчиси Стивен Мубиру Антальяда болуу жана тажрыйба бөлүшүү үчүн бактылуу экенин белгиледи.

Зимбабвенин Анкарадагы элчиси Альфред Мутивазука да Ковид-19 эпидемиясына карабастан өткөн жылы Антальяга 9 миллиондон ашуун турист келгенин укканда таң калганын билдирди.