Дүйнөлүк банк Газа үчүн чукул чара көрүүгө чакырды

Дүйнөлүк банк Газа элинин медициналык буюмдарга, тамак-ашка жана жашоого керектүү кызматтарга жетүүсү үчүн тез арада чара көрүүгө чакырды.

Дүйнөлүк банк тобу Газага байланыштуу билдирүү жарыялады.

Билдирүүдө, балдар жана карылар менен бирге Газа калкынын жарымынан көбүнүн ачарчылыктын босогосунда турганы, Дүйнөлүк банктын адамдардын өмүрүн сактап калуу үчүн чукул чара көрүүгө чакырганы белгиленип: «Газа калкынын медициналык буюмдарга, тамак-ашка жана жашоого керектүү кызматтарга учурдагы бардык жолдор менен дароо, акысыз жана тоскоолдуксуз жетүүсү үчүн эл аралык коомчулуктун чакырыгына кошулабыз»,-деген сөздөр камтылды.

Дүйнөлүк банктын Газага карата аракетине да токтолгон билдирүүдө, декабрда Дүйнөлүк банк тобунун Аткаруу кеңешинин арасында БУУнун Балдар фонду (ЮНИСЕФ), Дүйнөлүк азык-түлүк программасы (WFP) жана Дүйнөлүк Саламаттыкты сактоо Уюму (ДССУ) да болгон Газада иштеп жаткан өнүктүрүү өнөктөштөрүнө 35 миллион долларлык каржылоо милдеттенмесин бекиткени эске алынды.