Кытайлык BYD АКШлык Tesla компаниясынан ашып кетти
Компания 2023-жылдын октябрь-декабрь айларында 526 миң 409 толугу менен электрдик унаа сатканын жарыялады.
Кытайда жайгашкан электр унаа өндүрүүчүсү BYD 2023-жылдын акыркы чейрегиндеги сатуулары менен америкалык атаандашы Тесла компаниясын артка калтырып, бул тармакта дүйнөлүк лидер болду.
Компания 2023-жылдын октябрь-декабрь айларында 526 миң 409 толугу менен электрдик унаа сатканын жарыялады.
Баш кеңсеси Кытайдын Шинжаң шаарында жайгашкан BYD, Тесла 484 миң 507 унаа саткан төртүнчү чейректе «дүйнөнүн эң көп сатылган электр унаа өндүрүүчүсү» наамына ээ болду.
Кытайлык миллиардер Ван Чуанфу негиздеген компания «дүйнөдөгү эң ири электр унаа өндүрүүчүсү» болуп саналат, бирок ал аккумулятордук гибриддик унааларды да чыгаргандыктан, толугу менен электрдик унааларды өндүрүүдө Teslaдан артта калган болчу.
Компания жыл бою жалпысынан 1,86 миллион унаа сатып, Тесланын 1,31 миллион сатуусунан ашса да алардын 917 миң 118и толугу менен электрдик унаалар болбогондуктан, жылдык сатууда АКШ фирмасынан артта калды. Тесла чыгарган бардык унаалар электр энергиясы менен иштейт.
Компаниянын Кытайдын Шанхай шаарында чыгарган унааларынын саны үстүбүздөгү жылдын 8 айында 600 миңден ашты.
