Сакария газ кени корунун көлөмү
Министр Дөнмез жаңы жаратылыш газ кору тууралуу маалымат жыйын өткөрдү.
Энергетика жана жаратылыш ресурстары министри Фатих Дөнмез, Сакария газ кени корунун көлөмүнүн 710 миллиард куб метрге жеткенин айтты.
Дөнмез президент Режеп Таййип Эрдоган тарабынан жарыяланган жаңы жаратылыш газ кору тууралуу маалымат жыйын өткөрдү.
Аянтта 50дөн ашуун кеме менен интенсивдүү иш жүргүзүлгөнүн белгилеген Дөңмез, ал жерде өндүрүлө турган газды алып келүүгө байланыштуу 3 линиянын курулуш иштери уланып жатканын, сыноолору ишке ашканын, 170 чакырымдык негизги байланыш линиясы, гликоль-пресс линиясы жана жабдууларды башкара турган сигнал линиясынын курулуш иштери аяктаганын, ошондой эле бул газды кургактыкта иштете турган объекттин 85 пайызынын бүткөнүн билдирди.
Дөнмез, кургактагы жаратылыш газын иштетүүчү ишкананын биринчи этапта күнүнө 10 миллион метр куб газ өндүрө турганын, экинчи этап менен бул көрсөткүч 40 миллион метр кубга жеткирилерин түшүндүрдү.
Аянтта 10 кудуктун бургуланганын эске салган Дөнмез, экинчи этапта бул жерде дагы 30дан ашуун кудуктун бургулоо иштерин улантышарын, 2026-жылга чейин бул жердеги бардык кудуктарды бургулоо иштерин бүтүрө тургандарын айтты.
Дөнмез: «Биринчи ачылышты Дунай-1 кудугу менен бирге жарыялаганбыз. Бул 2020-жылы 405 миллиард метр кубдук ачылыш болгон жана 2020-жылы деңиздерде табылган дүйнөдөгү эң чоң ачылыш катары катталган. Экинчи ачылышыбызды 2021-жылы Амасра менен жасадык. Ал жерде да 135 миллиард метр кубдук запас бар. Ошол күндөн тарта 2021-жылы дүйнөдөгү экинчи эң чоң ачылыш болуп катталды. Ушундайча Чайжуманын ачылышы менен жалпы 710 миллиард куб метрге жеттик»,-деди.
Жер Ортолук деңизинде жүргүзүлгөн жаратылыш газ чалгындоо иштерине токтолгон Дөнмез, ушул алкакта «Абдүлхамид Хан» бургулоо кемеси Йөрүклер-1 кудугундагы ишин аяктап, Мерсиндин Ташужу жээгиндеги 2-жерде ишин улантып жатканын айтты.
