Айова штатындагы шамал: 5 адам каза болду
Айова штатынын полиция кызматы тарабынан жарыяланган билдирүүдө, өзгөчө Гринфилд шаарында чоң кыйроого себеп болгон шамал жана куюндар тууралуу маалымат берилди.
Америка Кошмо Штаттарынын (АКШ) борбордук бөлүгүнө таасир эткен катуу шамал жана куюндардын кесепетинен Айова штатында 5 киши каза болуп, 35 киши жаракат алды.
Айова штатынын полиция кызматы тарабынан жарыяланган билдирүүдө, өзгөчө Гринфилд шаарында чоң кыйроого себеп болгон шамал жана куюндар тууралуу маалымат берилди.
Билдирүүдө катаал аба ырайынан улам Гринфилд шаарында 4, Адамс округунда 1 кишинин каза болгону, кеминде 35 кишинин жараланганы белгиленди.
Жетекчилер 2 миң 100 киши жашаган шаарчада зыян тарткан имараттарда издөө-куткаруу иштеринин уланып жатканын, жаракат алгандардын санынын көбөйүшү мүмкүн экенин айтышты.
Айовадагы куюндардын «EF3» деп аталган категорияга киргени, бул быйылкы жылдын "эң коркунучтуу аба ырайы окуясы" экени маалымдалды.
Басма сөздө 21-майда штатта 18 өзүнчө куюн окуясы билдирилсе, 2024-жылы өлкө боюнча 800дөн ашуун куюн болгону, катаал аба ырайынан улам 17 кишинин каза болгондугу кабарланды.
