"Ракка менен Мосулда карапайым адамдарды өлтүрдүк"

Америка Кошмо Штаттарынын (АКШ) мурдагы башкы штаб башчыларынын бири Марк Милли, геноцид үчүн соттолуп жаткан Израилдин Газада себеп болгон карапайым адамдардын өлүмүнө байланыштуу: «АКШ катары биз да Мосулда жана Раккада көптөгөн бейкүнөө адамдарды өлтүргөнүбүздү унутпашыбыз керек»,- деди.

Марк Милли Вашингтондогу Жасалма интеллект жарманкесинде өткөрүлгөн панелде сөз сүйлөдү.

Газадагы кыйроолор жана жарандардын өлүмүнүн согуштун натыйжасы экенин айткан Милли: «Газада каза болгон бейкүнөө адамдар үчүн абдан кайгырып турам, бирок бардыгыбыз Израилдин кылганы боюнча өзүбүздү актоодон мурун муну унутпашыбыз керек. АКШ катары биз да Мосулда, Раккада көптөгөн бейкүнөө адамдарды өлтүрдүк»,-деди.

Экинчи Дүйнөлүк согушта да Нормандия чабуулу учурунда АКШнын 12 миң француз жаранын, Японияда Хиросима жана Нагасакиден башка 69 шаарын жок кылганын эске салган Милли: «Көптөгөн адамдарды, өкмөттөрү менен эч кандай байланышы жок бейкүнөө кишилерди, эркектерди, аялдарды жана балдарды өлтүрдүк»,- деди.

Израилдин 7-октябрдан берки кол салууларында көбү балдар жана аялдар болгон 35 миң жаран каза тапты.