Кулеба Москвадагы террордук чабуулга токтолду

Украинанын тышкы иштер министри Дмитрий Кулеба 22-март күнү кечинде Орусиянын борбор шаары Москвадагы концерттик залда куралчан адамдар тарабынан жасалган террордук чабуулду Украина менен байланыштыруу «туура эмес жана абсурд» экенин айтты.

Дмитрий Кулеба Польшанын борбор шаары Варшавада онлайн жолугушууда журналисттердин суроолоруна жооп берди.

Москвадагы терактты Украина менен байланыштырган орус бийликтери тууралуу суроого Кулеба мунун «туура эмес жана абсурд» экенине көңүл бурду.

Кулеба Орусия Украинаны каралоо үчүн баарын жасады деп ырастады.

Москвадагы теракттан 140 адам каза болду.