Британия Москвадагы кол салуу тууралуу айтылгандарды четке какты

Британиянын тышкы иштер министри Дэвид Камерон Россиянын борбор шаары Москвадагы бир концерттик залда жасалган террордук кол салуунун артында Батыш жана Украина бар деген сөздөрдү "болбогон сөз" деп мүнөздөдү.

Дэвид Камерон Х социалдык эсебинен берген билдирүүсүндө Москвадагы террордук кол салуунун артында Батыш жана Украинанын бар экендиги тууралуу сөздөрдүн толугу менен "болбогон сөз" экендигин белгиледи.

Камерон : "Бул кол салуулардын бир гана жооптуусунун ДЕАШ экендигин ачыкча ортого салган АКШнын билдирүүсүн колдойбуз",- деди. 

Россия Федералдык Коопсуздук кызматынын директору Александр Бортников журналистке берген билдирүүсүндө Москвадагы концерттик залга карата жаслаган террордук кол салуунун артында АКШ, Британия жана Украинанын бар экендигин айткан.

Террордук кол салунун артында АКШ, Британия жана Украина турабы деген суроого жооп берген Бортников : "Ушундай экендигин ойлоп жатабыз. Ансыз да колубуздагы эсеп  - фактурадан сөз кылуудабыз. Бул жалпы маалымат бирок алардын чоң пайдасы бар",- деген.

Россиянын Тергөө комитети кол салууда  139 кишинин каза болгондугун жарыялап, окуяда  100дөн ашуун жаралуунун бар экендигин белгилеген.

Россиянын президенти Владимир Путин кол салууну жасаган  4 террорист да ичинде болгон  11 кишинин кармалгандыгын билдирген.