Германияда жүздөгөн каттамдар токтотулду

Германиянын Кельн, Гамбург, Берлин, Штутгарт жана Карлсруэ аэропортторунда коопсуздук кызматкерлеринин иш таштоосунан улам жүздөгөн каттамдар токтотулду.

Германиянын Аэропорттор ассоциациясы (ADV) иш таштоодон 580ден ашуун каттам жана 90 миң жүргүнчүнүн жабыр тартканын билдирди.

Берлин менен Кёльндогу бардык каттамдар жокко чыгарылып жатканда, конгон учактар да ​​жүргүнчүлөрдү албай кайра учуп кетишти.

Бирдиктүү Кызмат профсоюзунун (Верди) Кельн жооптууларынан Өзай Тарым, жамааттык келишимде саатына 2,80 евро жогорулатууну талап кылгандарын айтты.

Иш берүүчү бул талапка жооп бербегендиктен иш таштагандарын белгилеген Тарым, иш таштоонун таасиринин учактардын токтотулушу менен байкалганын маалымдады.

Өзай Тарым, кайрадан иш таштоо болуп же болбой тургандыгы жөнүндө: «Бул жамааттык келишимдин жүрүшүнөн көз каранды. Биздин максат - үстөл үстүндө бир пикирге келүү. Иш берүүчү убакыт менен ойноп жатат. Ошондуктан биз кысым көрсөтүүгө аргасыз болуп жатабыз, кысым иш таштоо аркылуу келет. Бул биздин негизги укугубуз»,-деп айтты.

Коопсуздук кызматкерлери үчүн жамааттык сүйлөшүүлөрдүн беш айлампасы ушул убакка чейин эч кандай жыйынтык бере элек.

Профсоюз сектордогу болжол менен 25,000 кызматкер үчүн жүрүп жаткан эмгек акы сүйлөшүүлөрүнө кысымды күчөтүүнү көздөйт.