АКШ Сириядагы базаларына кошумча күч жөнөттү
Жергиликтүү булактардан алынган маалыматка караганда, кечээ кечинде АКШ күчтөрүнүн кербени Ирак менен Сириянын ортосундагы Эль-Валид чек ара капкасынан Хасекеге кирди.
АКШ армиясы Сириянын Хасеке жана Дейр-эз-Зор облустарындагы террордук уюм ПКК/ЙПГ басып алган аймактардагы базаларына 40 унаадан турган аскердик кошумча күчтөрүн жөнөттү.
Жергиликтүү булактардан алынган маалыматка караганда, кечээ кечинде АКШ күчтөрүнүн кербени Ирак менен Сириянын ортосундагы Эль-Валид чек ара капкасынан Хасекеге кирди.
Америкалык аскерлерди ташыган 5 Брэдли үлгүсүндөгү бронетранспортерлер менен кошо 40 унаадан турган конвой алгач Хасеке провинциясынын Румейлан шаарындагы аскердик базага келди.
Күйүүчү май танкерлери, медициналык буюмдар жана төмөн бийиктиктеги абадан коргонуу радарларынан турган конвой андан соң Евфрат дарыясынын чыгыш жээгиндеги Өмер мунай майданындагы базага жылды.
АКШ армиясы буга чейин 5,6,23-январда жана 13-февралда Хасекедеги Хараб-Жир менен Касректеги жана Дейр-эз-Зордогу Омар мунай кениндеги базаларына аскердик жүктөрдү жөнөткөн.
