Газада каза болгондордун саны

Израиль армиясынын Газа тилкесине 7-октябрдан бери улантып жаткан кол салууларында каза болгондордун саны акыркы 24 саатта 67ге көбөйүп 31 миң 112ге жетти.

Палестинанын Саламаттыкты сактоо министрлигинин Газадагы катчысы Ашраф аль-Кудра, Израилдин Газа тилкесине 157 күндөн берки кол салуулары тууралуу маалымат берди.

Израиль күчтөрүнүн акыркы 24 саатта Газа тилкесинде дагы 67 палестиналыкты өлтүргөнүн айткан Кудра, ачкачылыктан жана суусуздуктан каза болгондордун санынын 25ке жеткенине көңүл бурду. Газада каза болгондордун санынын 31 миң 112ге жеткенин белгилеген Кудра, Израиль күчтөрүнүн акыркы кол салууларында дагы 106 палестиналыкты жарадар кылганын, жаралуулардын санынын да 72 миң 760ка жеткенин кабарлады.

Израиль армиясы тарабынан өлтүрүлгөн палестиналыктардын 72 пайызынын аялдар жана балдар экенин баса белгилеген Саламаттыкты сактоо министрлигинин басма сөз катчысы, урандылардын астында жана жол жээгинде дагы деле сөөктөрдүн бар экенин, бирок Израиль күчтөрүнүн тоскоолдугунан улам жарандык коргонуу кызматкерлери менен медициналык топтордун бул сөөктөргө жете албаганын маалымдады.