Орусиядагы темир жол көпүрөсүндө жарылуу болду

Орусиянын Самара облусундагы Чапаевка дарыясындагы темир жол көпүрөсүндө жарылуу болду.

Орус телеграм каналдары, жергиликтүү басма сөз жана мамлекеттик маалымат агенттиктери тарабынан жарыяланган кабарга караганда, жарылууда көпүрөнүн металл конструкциялары жана каптал дубалдары зыянга учурап, бирок бетон тирөөчтөр менен темир жол рельстерине зыян келтирилбегени билдирилди. Алдын ала маалыматтар боюнча, жабыркагандар жок.

Маалымат каражаттарынын жазганына караганда, кол салууда колго жасалган жардыруучу заттар колдонулган. Окуя болгон жерде Орусиянын Улуттук гвардиясы (Росгвардия) жана бомба боюнча эксперттер иштеп жатышат. Окуядан улам беш поезддин каттамдары кечеңдеген.

Украин чалгын кызматтары Самара облусундагы Чапаевка дарыясындагы темир жол көпүрөсүнө белгисиз бирөөлөр тарабынан кол салуу болгонун тастыктады. Украинанын Коргоо министрлигинин Башкы чалгындоо башкармалыгынан алынган маалыматка караганда, сөз болуп жаткан көпүрө Орусия тарабынан аскердик ок-дарыларды ташуу үчүн колдонулат. Орус чалгын кызматтарынын айтымында, жакынкы апталарда көпүрөнү колдонуу мүмкүн болбой калат.

Украина согушу башталгандан бери (2022-жылдын 24-февралы) Орусиянын укук коргоо органдары темир жол инфраструктурасына кол салууга даярданган деп шектелген адамдарды үзгүлтүксүз кармап келет. Мындай аракеттерди Орусия «өрттөө» жана «террордук акт» деп сыпаттайт.