Египетте Газадагы ок атышпоо боюнча сүйлөшүүлөр бүгүн башталат

Египетте Газадагы ок атышпоо боюнча сүйлөшүүлөр бүгүн башталат.

Египеттин Al-Cairo телеканалына маек курган жогорку даражалуу булак Израиль менен Палестинанын Газа тилкесиндеги каршылык көрсөтүү кыймылы Хамастын ортосунда ок атышпоо үчүн сүйлөшүүлөрдүн бүгүн борбор калаа Каирде улана турганын билдирди.

Атын атагысы келбеген булак, Рамазан айына чейин (10-апрель) Газада ок атышпоо жарыяланышы боюнча сүйлөшүүлөрдө «жылыш» болгонуна көңүл буруп, бүгүн баштала турган сүйлөшүүлөргө бардык тараптардын катыша турганын айтты.

Булак Египеттин Рамазанга чейин ок атышпоо келишимине жетишүү үчүн катуу аракет кылып жатканына көңүл буруп: «Ок атышууну токтотуу боюнча сүйлөшүүлөрдө көзгө урунаарлык жылыш бар жана биз адилеттүү келишимге жетишүү үчүн иштеп жатабыз»,-деп айтты.

Израилдин 7-октябрдан бери Газа тилкесине кол салууларынан эң аз 13 миң 230у бала, 8 миң 860ы аял болгон 30 миң 320 палестиналык каза болуп, 71 миң 533 киши жараланды.

Урандылардын астында дагы миңдеген набыт болгону билдирилгени менен, адамдар баш калкалаган ооруканалар жана билим берүү мекемелери бутага алынып жарандык инфраструктура да талкаланууда.

2023-жылдын 24-ноябрында 4 күнгө берилген жана андан кийин дагы 3 күнгө узартылган кагылышуудагы «гуманитардык тыныгууда» 81 израилдик жана 240 палестиналык туткун өз ара бошотулду. Бир тараптан Израиль миңдеген палестиналыкты кармап, абакка салууну улантты.