Сомали Түркия менен коргоо тармагында кызматташуу келишимин жактырды

Сомалинин министрлер кабинети Түркия менен коргоо тармагында кызматташууга кол коюлган келишимди жактырды.

Сомалинин маалымат министри Дауд Авейс X социалдык медиа эсебинен өлкөсүнүн Түркия менен коргонуу кызматташтыгы келишимине байланыштуу билдирүү жарыялады.

Эки өлкөнүн ортосундагы келишимдин абдан маанилүү кадам экендигин белгилеген Авейс : «Кабинет НАТО мүчөсү жана Сомалинин жакын союздашы Түркия менен кол коюлган коргонуу кызматташуу келишимин жактырды. Бул бурулуш жери мүнөзүндөгү 10 жылдык келишим, Сомали өкмөтүнүн эгемендигин коргоо аракеттерин маанилүү өлчөмдө күчөтөт»,- деди.

Түркия менен Сомалинин ортосунда  8 -  февралда коргонуу жана коопсуздук темаларын да камтыган Коргонуу жана экономикалык кызматташуунун алкактык келишимине кол коюлган. Экономикалык жана саясий маселелер болуп жаткан Сомалиде террордук уюм Еш – Шабаб көптөгөн жылдар коопсуздук маселесин жаратууну улантууда.