Газада каза болгондордун саны

Израилдин Газа тилкесине 130 күндөн бери улантып жаткан кол салууларында каза болгондордун саны 28 миң 473кө жетти.

Газадагы Палестинанын Саламаттыкты сактоо министрлигинин катчысы Ашраф аль-Кудра, Израилдин Газа тилкесине 130 күндөн бери улантып жаткан кол салуулары тууралуу маалымат берди.

Кудра Израиль күчтөрүнүн акыркы 24 саатта Газа тилкесине кол салууларында дагы 133 кишинин каза тапканын, 162 кишинин жараланганын белгиледи.

Газада каза болгондордун саны 28 миң 473кө, жаралуулардын саны 68 ​​миң 146га жеткенин кабарлаган Кудра, урандылардын астында жана жол жээгинде дагы деле сөөктөрдүн бар экенин, бирок Израиль күчтөрүнүн тоскоолдуктарынан улам медициналык топтор менен жарандык коргонуу кызматкерлеринин сөөктөргө жете албай жатканын маалымдады.

Бир тараптан Саламаттык сактоо булактары, Газанын борбордук бөлүгүндөгү "Нусейрат" качкындар лагеринин согуштук учактар ​​тарабынан бутага алынганын, кол салууда 5 кишинин каза тапканын жана жаракат алгандардын бар экенин билдиришти.