Борбордук Африка Республикасындагы түрмөдө баш аламандык болду

Борбордук Африка Республикасынын Уака аймагындагы түрмөдө чыккан тополоңдо камактагы эки киши каза болду.

Улуттук басма сөздөгү кабарларга караганда, Уака аймагындагы Бамбари шаарындагы борбордук түрмөдө оорулуу кишинин өлүмүнөн кийин баш аламандык болду.

Тополоңго кийлигишкен коопсуздук күчтөрү ачкан октун натыйжасында абактагы 2 киши каза болуп, көп сандаган киши жараланды.

Окуя боюнча иликтөө иштери башталды.