Бириккен Улуттар Уюмунун Газа боюнча биргелешкен билдирүүсү
БУУнун үч уюму, Дүйнөлүк азык-түлүк программасы (ДАТП), Дүйнөлүк саламаттыкты сактоо уюму (ДССУ) жана Балдарга жардам фонду (ЮНИСЕФ) Газага байланыштуу биргелешкен жазуу түрүндөгү билдирүү жасады.
Бириккен Улуттар Уюмунун (БУУ) уюмдары Израилдин кол салуусуна дуушар болгон Газада «гуманитардык ок атышпоо чакырыгын» кайталады.
БУУнун үч уюму, Дүйнөлүк азык-түлүк программасы (ДАТП), Дүйнөлүк саламаттыкты сактоо уюму (ДССУ) жана Балдар фонду (ЮНИСЕФ) Газага байланыштуу биргелешкен жазуу түрүндөгү билдирүү жасады.
Билдирүүдө БУУнун агенттиктери ачарчылык коркунучу күчөгөн жана дагы көп адам өлүмгө алып баруучу эпидемияга дуушар болгон Газага гуманитардык жардамдардын агымында тез арада маанилүү кадам ташталышы керектигин эскертти.
«Тамак-аштын, таза суунун жана медициналык жардамдын жетишсиздиги өзгөчө түндүк аймактарда оор», - деп айтылган билдирүүдө Израилдин бомбалоосунун гуманитардык жардам иштерин үзгүлтүккө учуратканына көңүл бурулду.
Дүйнөлүк азык-түлүк программасынын аткаруучу директору Синди Маккейн: «Газадагы адамдардын тамак-ашка толгон жүк ташуучу унаалардан бир нече чакырым алыстыкта ачкадан өлүү коркунучу бар. Ар бир жоголгон саат сансыз адамдардын өмүрүн тобокелге салат»,-деп эскертти.
ЮНИСЕФтин аткаруучу директору Кэтрин Рассел: «Азыктануу жана оорудан улам өлүм коркунучу жогору болгон Газадагы балдар тез арада дарыланууга, таза сууга жана саламаттыкты сактоого муктаж, бирок Израилдин кол салуулары муктаж болгон балдарга жана үй-бүлөлөргө аман-эсен жетүүгө мүмкүнчүлүк бербей жатат»,-деп сереп салды.
