Гутерриш Эквадордогу окуяларды айыптады

Бириккен Улуттар Уюмунун (БУУ) баш катчысы Антониу Гутерриш Эквадордо болуп өткөн жана зордук-зомбулук кылмыштарын камтыган окуяларды айыптады.

БУУнун басма сөз катчысы Стефан Дюжаррик күнүмдүк маалымат жыйынында бул темага байланыштуу билдирүү жасады.

Стефан Дужаррик Антонио Гутеррештин Эквадордун БУУдагы туруктуу өкүлү менен телефон аркылуу сүйлөшкөнүн билдирди.

«Башкы катчы өлкөдөгү кырдаалдын начарлап баратканына олуттуу тынчсызданып, зордук-зомбулук кылмыштарын айыптайт жана Эквадор элине тилектештик билдирүүсүн жөнөтөт»,-деп айтты ал.

Кырдаалга байланыштуу БУУдан эч кандай жардам суроосу болбогонун белгилеген Дужаррик, Гутеррештин Эквадор өкмөтүнүн кырдаалды жеңе аларына ишенгенин билдирди.

Эквадордук «TC Television» каналынын Гуаякилдеги студиясына кечээ түз эфир учурунда куралчан адамдар кол салышып, кызматкерлери барымтага алынган.

Ошол эле учурда куралчан адамдар Гуаякилдеги университетке кол салып, айрым студенттерди күч менен кармап кетишкен.

Күч түзүмдөрүнүн кийлигишүүсүнүн натыйжасында түз эфир учурунда телестудияны басып алган 13 адам кармалып, университетте көзөмөл орнотулду.

Бүткүл өлкө боюнча бир канча убакыттан бери коопсуздук кризиси менен күрөшүп жаткан Эквадор өкмөтү, кылмыштуу топтун лидери «Фито» каймана аттуу Адольфо Макиас Салазар менен бир нече туткундун Гуаяс шаарындагы түрмөдөн качып кеткенинен жана андан кийин полиция унааларына бомбалуу кол салуулардан кийин  9-январда 60 күнгө созула турган өзгөчө кырдаалды жарыялаган.