Түштүк Кореяда иттин этин сатууга жана колдонууга тыюу салган мыйзам долбоору

Түштүк Кореяда иттин этин сатууга жана колдонууга тыюу салган мыйзам долбоору Улуттук парламентте бекитилди.

Эти үчүн иттерди көбөйтүүгө, союуга, таратууга жана сатууга тыюу салган мыйзам долбоору 208 макул, 2 калыс добуш менен кабыл алынды.

Мыйзам долбоору мыйзамдашса 2027-жылы күчүнө кириши пландалып, мыйзам бузгандар эң көп дегенде 2 жылга эркинен ажыратылышы мүмкүн же болжол менен 23 миң доллар айып пул төлөшү мүмкүн.

Мыйзам долбоорунда иттин эти тармагында иштеген адамдарга жумуш ордун алмаштыруу үчүн субсидия берүү да камтылган.

Түштүк Кореяда 1150гө жакын ит фермасы, 34 касапчы, 219 дистрибьютор жана иттин этинен жасалган тамактарды саткан 1600гө жакын ресторан бар.

Түштүк Кореяда жүргүзүлгөн сурамжылоодо катышуучулардын 90 пайыздан ашыгы иттин этин жебей турганын айтышкан.