Ирандын БРИКСке мүчөлүгү расмий түрдө башталды
Бул тууралуу Тышкы иштер министрлигинин басма сөз катчысы Насер Кенани маалымат берди.
2083058
Ирандын БРИКСке мүчөлүгүнүн (Бразилия, Россия, Индия, Кытай жана Түштүк Африка) кечээ расмий түрдө башталгандыгы билдирилди.
Ирандын Тышкы иштер министрлигинин басма сөз катчысы Насер Кенани борбор шаар Тегеранда өткөргөн маалымат жыйынында өлкөсүнүн буга чейин кол коюлган келишимдин алкагында БРИКСке мүчөлүккө кабыл алынганын жана расмий мүчөлүгүнүн 2024 - жылдын 1 - январынан тарта башталганын билдирди.
БРИКСтин жаңы мүчөлөрүнүн катышуусу менен эл аралык теңдемеде жаңы мааниге ээ болгонун жактаган Кенани өлкөсүнүн көп тараптуулукка маани бергенин жана бул алкакта мүмкүнчүлүктөрдү карап чыккандыгын белгиледи.
