Газада каза болгондордун саны

Израилдин блокададагы Газа тилкесине 7-октябрдан берки кол салууларында каза болгон палестиналыктардын саны 21 миң 978ге жетти.

Газадагы Саламаттыкты сактоо министрлигинин катчысы Эшреф Кудра өткөргөн пресс-конференцияда Израилдин Газа тилкесине 87 күндөн бери уланып жаткан кол салуулары тууралуу маалымат берди.

Эшреф Кудра: «87 күндө 21 миң 978 адам шейит болду, 57 миң 697 киши жараланды, каза болгондордун 70 пайызын аялдар жана балдар түздү»,-деди.

Кол салууларда 326 медицина кызматкеринин каза тапканын, зыянга учураган 104 тез жардам унаасынын болсо иштебей калганын белгилеген Кудра, кол салуулардан улам жер которгондор баш калкалаган борборлордогу 50 миң кош бойлуу аялдын негизги муктаждыктары канааттандырылбагандыктан тамактануу жана ден соолук көйгөйлөрү менен бетме-бет келгенине көңүл бурду.

Хамастын аскердик канаты Кассам бригадалары 7-октябрда Израилге карай «Акса топону» деп аталган кеңири чабуулун баштаганын жарыялаган.

Буга жооп катары Израиль армиясы да согуштук учактар ​​менен Газа тилкесине каршы «Темир кылычтар» операциясын баштаганын билдирген.