Газадагы «операциялык кырсыктарда» 29 израилдик аскер каза болду

Газа тилкесиндеги «операциялык кырсыктарда» жалпысынан Израиль армиясынын 29 аскери каза болгону, алардын 18и «досторунун ок атуусунан» болгондугу билдирилди.

Израилдин мамлекеттик телеканалы KAN армиянын маалыматына таянып берген кабарында, Газа тилкесине кургактыктан кол салуулар башталган 27-октябрдан бери 29 аскердин «операциялык кырсыктан» каза болгондугу белгиленди.

Кабарда «Досторунун аткылоосунан» 18 аскер, ок чыгуусунан 2 аскер, «ок-дарылар, курал-жарактар ​​жана астында калуу» сыяктуу кырсыктарынан 9 аскердин каза болгондугу белгиленди.

Израиль армиясы кечээги билдирүүсүндө Газа тилкесине кол салуулар башталган 7-октябрдан бери набыт болгон израилдик аскерлердин саны 506га жеткен, мунун 172си кургактыктан басып алуу процессинде болгонун белгиледи.

Хамастын аскердик канаты Кассам бригадасы 7-октябрда Израилге карата «Акса топону» деп аталган кеңири чабуулун баштаганын жарыялаган.

Буга жооп катары Израиль армиясы согуштук учактар ​​менен Газа тилкесине каршы «Темир кылычтар» операциясын баштаганын жарыялаган.

Күчөгөн кагылышууларда көбү балдар болгон 21 800дөн ашуун палестиналык каза болду.